ORTHODOX
SHRINES OF THE RUSSIAN NORTH
RCD 29004 ANTOLOGY Мужской хор Института
певческой культуры "Валаам" / Игорь Ушаков
1. Великая Ектения
2. На гору Сион взыди благовествуяй...
3. Свыше пророцы Тя предвозвестиша, Отроковице...
4. Задостойник службы Успения Пресвятой Богородицы
5. Иже Светом Твоим...
6. Иже древле с Моисеом глаголавый...
7. Богородице Дево, радуйся
8. Без семене от Божественного Духа...
9. Достойно есть...
10. Храм и двери еси...
11. Слава в вышних Богу...
12. От юности моея...
13. Духовная моя братие...
14. В чермнем мори...
15. Задостойник службы Воздвижения Креста Господня
16. Единородный Сыне...
17. Милость мира...
18. Ныне Силы небесныя..
19. Не ввери мя человеческому предстательству...
20. Прообразуя воскресение Твое, Христе Боже...
21. Радуйся, богоизбранная двоице...
22. Сиянием добродетелей...
Миром Господу помолимся.
Господи, помилуй.
О свышнем мире и спасении душ наших Господу помолимся.
Господи, помилуй.
О мире всего мира, благостоянии святых Божиих Церквей и соединении всех Господу
помолимся.
Господи, помилуй.
О великом господине нашем Святейшем Патриархе Алексии, честнем пресвитерстве,
во Христе диаконстве, о всем причте и людях, Господу помолимся.
Господи, помилуй.
О Богохранимей стране нашей, властех и воинстве ея, Господу помолимся.
Господи, помилуй.
О святей обители сей, всяком граде, стране и верою живущих в них, Господу
помолимся.
Господи, помилуй.
О благорастворении воздухов, о изобилии плодов земных и временех мирных,
Господу помолимся.
Господи, помилуй.
О плавающих, путешествующих, недугующих, страждущих, плененных и о спасении их,
Господу помолимся.
Господи, помилуй.
О избавитися нам от всякия скорби, гнева и нужды, Господу помолимся.
Господи, помилуй.
Заступи, спаси, помилуй и сохрани на, Боже, Твоею благодатию.
Господи, помилуй.
Пресвятую, Пречистую, Преблагословенную, Славную Владычицу нашу Богородицу и
Приснодеву Марию, со всеми святыми помянувше, сами себе и друг друга, и весь
живот наш Христу Богу предадим.
Тебе, Господи.
Яко подобает Тебе всякая слава, честь и поклонение, Отцу и Сыну и Святому Духу,
ныне и присно и во веки веков.
Аминь.
2. На гору Сион взыди благовествуяй... - при Архиерейском богослужении
На гору Сион взыди благовествуяй, и Иерусалиму проповедуяй, в крепости вознести глас: преславная глаголашася о тебе граде Божий. Мир на Израиля, и спасение языком.
3. Свыше пророцы Тя
предвозвестиша, Отроковице... -
при Архиерейском облачении
Свыше пророцы
Тя предвозвестиша Отроковице:
стамну жезл, скрижаль, кивот, свещник,
трапезу, гору несекомую, златую кадильницу
и скинию, дверь непроходную,
Палату и лестницу и престол царев.
5. Иже Светом Твоим... - служба Преображения Господня, стихира на Литии, глас 1
Иже светом Твоим всю вселенную освятив, на
горе высоце преобразился,
Блаже, показав учеником Твоим силу Твою, яко мир избавляеши от преступления.
Темже вопием Ти: милосерде Господи, спаси души наша.
6. Иже древле с Моисеом глаголавый... - служба Преображения Господня, стихира на Стиховне, глас 1
Иже с Моисеом глаголавый древле на горе Синайстей образы, глаголя, Аз есмь Бог Сый: днесь же на горе Фаворстей преображься, началообразное показа лучами облистаяся. Темже, Христе, величаю Твою силу.
Богородице Дево, радуйся Благодатная Марие, Господь с Тобою! Благословенна Ты в женах, и благословен Плод чрева Твоего, яко Спаса родила еси душ наших.
8. Без семене от Божественного Духа... - Богородичен на Стиховне, глас 3
И ныне, и присно, и во веки веков
Без семене от Божественнаго Духа волею же Отчею, зачала еси Сына Божия. От Отца
без матере прежде век суща, нас же ради из Тебе без отца бывша плотию родила
еси Ты Младенца и млеком питала еси. Темже не престай молити избавитися от
скорбей душам нашим.
Достойно есть, яко воистинну блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим м Славнейшую без сравнения Серафим, без истления Бога Слова рождшую, сущую Богородицу Тя величаем.
10. Храм и двери еси... - Богородичен на Стиховне, глас 3
И ныне, и присно, и во веки веков. Аминь.
Храм и дверь eси, палата и престол Царев, Дево всечестная, Еюже Избавитель мой,
Христос Господь, во тме спящым явися, солнце сый правды, просветити хотя, яже
созда по образу Своему рукою Своею. Темже, Всепетая, яко Матерне дерзновение к
Нему стяжавшая, непрестанно моли спастися душам нашим.
11. Слава в вышних Богу... - малое славословие
Слава в вышних Богу и на земли мир, в
человецех благоволение.
Господи, усте мои отверзешь Ты, и уста моя возвестят хвалу Твою.
12. От юности моея... - степенна, глас 4, антифон 1
От юности моея мнози борют мя страсти, но
Сам мя заступи и спаси, Спасе мой.
Ненавидящии Сиона, посрамитеся от Господа, яко трава бо огнем будете изсохше.
Слава Отцу и Сыну и Святому Духу. Святым Духом всяка душа живится, и чистотою
возвышается, светлеется Троическим единством, священнотайне. И ныне, и присно и
во веки веков, аминь. Святым Духом всяка душа живится, и чистотою возвышается,
светлеется Троическим единством, священнотайне.
14. В чермнем мори... - Догматик, глас 5
И ныне, и присно, и во веки веков.
Аминь.
В Чермнем мори неискусобрачныя Невесты образ написася иногда: Тамо Моисей
разделитель воды; зде же Гавриил служитель чудесе. Тогда глубину шествова
немокренно Израиль; ныне же Христа роди безсеменно Дева. Море по прошествии
Израилеве пребысть непроходно; Непорочная по рождестве Еммануилеве пребысть
нетленна. Сый и прежде сый, явлейся яко человек, Боже, помилуй нас.
15. Задостойник службы Воздвижения Креста Господня
Величай душе моя пречестный Крест Господень. Таин еси, Богородице, рай, невозделанно возрастивший Христа, Имже Крестное живоносное на земли насадися Древо, тем ныне возносиму покланяющеся ему Тя величаем.
Слава Отцу и Сыну и Святому Духу и ныне, и
присно и во веки веков, аминь.
Единородный Сыне и Слове Божий, Безсмертен Сый, и изволивый спасения нашего
ради воплотитися от Святыя Богородицы и Приснодевы Марии, непреложно
вочеловечивыйся; распныйся же Христе Боже, смертию смерть поправый, един Сый
Святыя Троицы, спрославляемый Отцу и Святому Духу, спаси нас.
17. Милость мира... - Песнопения Евхаристического канона
Милость мира, жертву хваления.
И со духом твоим.
Имамы ко Господу.
Достойно и праведно есть покланятися Отцу и Сыну и Святому Духу, Троице
Единосущней и Нераздельней.
Свят, Свят, Свят Господь Саваоф, исполнь Небо и земля славы Твоея. Осанна в
вышних. Благословен Грядый во имя Господне. Осанна в вышних.
Аминь.
Аминь.
Тебе поем, Тебе благословим, Тебе благодарим, Господи. И молимтися, Боже наш.
Достойно есть, яко воистинну блажити Тя, Богородицу, Присноблаженную и
Пренепорочную и Матерь Бога нашего. Честнейшую Херувим м Славнейшую без
сравнения Серафим, без истления Бога Слова рождшую, сущую Богородицу Тя
величаем
Ныне Силы Небесныя с нами невидимо служат.
- Силы Небесныя с нами невидимо служат.
Ныне входит Царь славы.
Входит Царь славы.
Ныне Жертва Тайная совершена дориносится.
Верою и любовию - и любовию - приступим, да причастницы Жизни Вечныя будем.
Аллилуия, аллилуия, аллилуия.
19. Не ввери мя человеческому предстательству... - на молебне к Пресвятой Богородице
Не ввери мя человеческому предстательству, Пресвятая Владычице, но приими моление раба Твоего, скорбь бо обдержит мя, терпети не могу демонскаго стреляния, покрова не имам, ниже где прибегну, окаянный, всегда побеждаем, и утешения не имам, разве Тебе, Владычице мира, упование и предстательство верных, не презри моление мое, полезно сотвори.
20. Прообразуя воскресение Твое, Христе Боже...
Прообразуя воскресение Твое Христе Боже, тогда поят три Твоя ученики, Петра и Иакова, и Иоанна, на Фавор возшел еси: Тебе же, Спасе, преобразующуся, Фаворская гора светом покрывашеся, ученицы Твои, Слове, повергоша себе долу на земли, не терпяще зрети невидимаго зрака: ангели служаху страхом и трепетом, небеса убояшася: земля вострепета, видяще на земли славы Господа.
21. Радуйся, богоизбранная двоице... - служба преподобным Сергию и Герману валаамским чудотворцам стихиры на Стиховне, глас 5, подобен Радуйся, живоносный Кресте
Радуйся Богоизбранная двоице, Сергие и Германе, непобедимии Христовы воини, мысленных врагов победою славнии, монашествующих утверждение, обители ограждение, имиже в нас тлетворныя страсти разрушаются, недузи исцеляются, демони прогонимы бывают, врагов гордыня низпадает, и мы спасаемся, слава дивному во святых своих Богу, тех молитвами подающему верным велию милость.
Радуйся обитель святая, радуйся Божественный храме, в немже благоизволи всеблагий Господь телесам святых почити, и раку их чудес источником соделати! приидите убо вернии, почерпите и пийте от сего источника врачеваний Благодатныя воды, и к виновным нашея радости с нами воззовем псаломски: радуйтеся праведнии Сергие и Германе: вам приносим по Бозе жертву хваления.
22. Сиянием добродетелей... - служба Преображения Господня на малой Вечерне,
стихира на Стиховне, глас 2, подобен Доме Евфрафов
Сиянием добродетелей просвещшеся, вопием, на горе святей зряще Божественное Господне
Преображение.
Фавор и Ермон о Имени Твоем возрадуетася. Солнце убо, землю уясняя, абие
заходит, Христос же, со славою облистав на горе, мир просветил есть.