Claudio Monteverdi
Vespro della
Beata Vergine 1610
Venetian
Vesper Music from Selva morale e spirituale 1641
Taverner Consort,
Choir & Players Andrew Parrott
Virgin Classics 7243 5 61662 2 6
Versiculus
Deus in adiutorium meum intende
Responsorium
Domine ad adiuvandum me festina.
Gloria Patri, et Filio, et Spiritui Sancto:
Sicut erat in principio, et nunc, et semper,
Et in saecula saeculorum.
Amen. Alleluia.
Antiphona I Canto Gregoriano
Assumpta est Maria in caelum:
Gaudent Angeli, laudantes benedicunt Dominum.
Psalmus I: Psalmus 109
Dixit Dominus Domino meo:
Sede a dextris meis
Donec ponam inimicos tuos
Scabellum pedum tuorum.
Virgam virtutis tuae
Emittet Dominus ex Sion,
Dominare in medio inimicorum tuorum.
Tecum principium in die virtutis tuae,
in splendoribus sanctorum:
Ex utero ante luciferum genui te
Iuravit Dominus et non paenitebit eum:
Tu es sacerdos in aeternum
Secundum ordinem Melchisedech.
Dominus a dextris tuis,
Confregit in die irae suae reges.
Iudicabit in nationibus, implebit ruinas,
Conquassabit capita in terra multorum.
De torrente in via bibet,
Propterea exaltabit caput.
Gloria Patri, et Filio, et Spiritui Sancto:
Sicut erat in principio, et nunc, et semper,
Et in saecula saeculorum. Amen.
Concerto: Nigra sum
Nigra sum, sed formosa,
Filiae Ierusalem.
Ideo dilexit me rex
Et introduxit me in cubiculum suum
Et dixit mihi:
Surge, amica mea, et veni
Iam hiems transiit,
Imber abiit et recessit,
Flores apparuerunt in terra nostra.
Tempus putationis advenit.
Antiphona II Canto Gregoriano
Maria Virgo assumpta est:
Ad aethereum thalamum, in quo Rex regum stellato sedet solio.
Psalmus II: Psalmus 112
Laudate, pueri, Dominum:
Laudate nomen Domini.
Sit nomen Domini benedictum:
ex hoc nunc, et usque in saeculum.
A solis ortu usque ad occasum:
laudabile nomen Domini.
Excelsus super omnes gentes Dominus:
et super caelos gloria eius.
Quis sicut Dominus, Deus noster,
qui in altis habitat:
et humilia respicit in caelo et in terra.
Suscitans a terra inopem:
et de stercore erigens pauperem.
Ut collocet eum cum principibus:
cum principibus populi sui.
Qui habitare facit sterilem in domo:
matrem filiorum laetantem.
Gloria Patri, et Filio, et Spiritui Sancto:
Sicut erat in principio, et nunc, et semper,
Et in saecula saeculorum. Amen.
Concerto: Pulchra es
Pulchra es amica mea, suavis
et decora filia Ierusalem.
Pulchra es amica mea, suavis
et decora sicut Ierusalem
terribilis ut castrorum acies ordinata.
Averte oculos tuos a me
quia ipsi me avolare fecerunt.
Antiphona III Canto Gregoriano
In odorem unguentorum tuorum currimus : Adolescentulae dilexerunt te nimis.
Psalmus III: Psalmus 121
Laetatus sum in his quae dicta sunt mihi:
in domum Domini ibimus.
Stantes erant pedes nostri:
in atriis tuis Ierusalem.
Ierusalem que aedificatur ut civitas:
cuius participatio eius in idipsum.
Illuc enim, ascenderunt tribus, tribus Domini:
testimonium Israel
ad confitendum nomini Domini.
Quia illic sederunt sedes in iudicio:
sedes super domum David.
Rogate quae ad pacem sunt Ierusalem:
et abundantia diligentibus te.
Fiat pax in virtute tua:
et abundantia in turribus tuis.
Propter fratres meos et proximos meos:
loquebar pacem de te.
Propter domum Domini Dei nostri:
quaesivi bona tibi.
Gloria Patri, et Filio, et Spiritui Sancto:
Sicut erat in principio, et nunc, et semper,
Et in saecula saeculorum. Amen.
Sonata a 2 per
violine e violone
(Giovanni
Paolo Cima)
Antiphona IV Canto Gregoriano
Benedicta filia tu, a Domino:
Quia per te fructum vitae communicavimus.
Psalmus IV: Psalmus 126
Nisi Dominus aedificaverit domum:
in vanum laboraverunt qui aedificant eam.
Nisi Dominus custodierit civitatem:
frustra vigilat qui custodit eam.
Vanum est vobis ante lucem surgere:
surgite postquam sederitis
qui manducatis panem doloris.
Cum dederit dilectis suis somnum:
ecce haereditas Domini filii
merces fructus ventris.
Sicut sagittae in manu potentis:
ita filii excussorum.
Beatus vir qui implevit desiderium suum ex ipsis:
non confundetur cum loquetur
inimicis suis in porta.
Gloria Patri, et Filio, et Spiritui Sancto:
Sicut erat in principio, et nunc, et semper,
Et in saecula saeculorum. Amen.
Concerto: Audi coelum
Solo
Audi coelum verba mea
plena desiderio, et perfusa gaudio.
Audio!
Dic quaeso mihi:
quae est ista quae consurgens
ut aurora rutilat ut benedicam?
Dicam!
Dic, nam ista pulchra ut luna
electa ut sol replet laetitia
terras, coelos, maria.
Maria!
Maria Virgo illa dulcis
predicta a Prophetis Ezechiel
porta Orientalis.
Talis!
Illa sacra, et felix porta
per quam mors fuit expulsa
introduxit autem vita.
Ita!
Quae semper tutum est medium
inter hominem et Deum
pro culpis remedium
Medium.
Omnes!
Chorus
Omnes hanc ergo sequamur
qua cum gratia mereamur
vitam aeternum. Consequamur
Sequamur!
Praestet nobis Deus
Pater hoc et Filus et mater
cuius nomen invocamus dulce
miseris solamen.
Amen!
Benedicta es, Virgo Maria
in saeculorum saecula.
Antiphona V Canto Gregoriano
Pulchra est et decora, filia Hierusalem:
Terribilis ut castrorum acies ordinata.
Psalmus V: Psalmus 147
Lauda, Ierusalem, Dominum:
lauda Deum tuum Sion.
Quoniam confortavit seras portarum tuarum:
benedixit filiis tuis in te.
Qui posuit fines tuos pacem:
et adipe frumenti satiat te.
Qui emittit eloquium suum terrae:
velociter currit sermo eius.
Qui dat nivem sicut lanam:
nebulam sicut cinerem spargit.
Mittit crystallum suum sicut buccellas:
ante faciem frigoris eius quis sustinebit?
Emittet verbum suum et liquefaciet ea:
flabit spiritus eius et fluent aquae.
Qui annuntiat verbum suum Iacob:
iustitias et iuditia sua Israel.
Non fecit taliter omni nationi:
et iuditia sua non manifestavit eis.
Gloria Patri, et Filio, et Spiritui Sancto:
Sicut erat in principio, et nunc, et semper,
Et in saecula saeculorum. Amen.
Sonata a 3 per violino, cornetto e violone
(Giovanni Paolo Cima)
Capitulum Canto gregoriano
In omnibus requiem quaesivi et in hereditate Domini morabor, tunc praecepit et
dixit mihi creator omnium et qui creavit me requievit in tabernaculo meo.
Deo gratias.
Hymnus: Ave maris stella
Ave maris stella
Dei Mater alma,
Atque semper
Virgo Felix coeli porta.
|Sumens illud Ave
Gabrielis ore,
Funda nos in pace
Mutans Evae nomen.
Solve vincla reis
Profer lumen caecis
Mala nostra pelle
Bona cuncta posce.
Monstra te esse matrem,
Sumat per te preces,
Qui pro nobis natus
Tulit esse tuus.
Virgo singularis
Inter omnes mitis
Nos culpis solutos
Mites fac et castos.
Vitam praesta puram
Iter para tutum:
Ut videntes Iesum
Semper collaetemur.
Sit laus Deo Patri,
Summo Christo decus,
Spiritui Sancto,
Tribus honor unus.
Amen.
Versus et responsorium Canto Gregoriano
Exaltata est sancta Dei Genitrix. Super chorus Angelorum ad caelestia regna.
Antiphona VI Canto Gregoriano
Hodie Maria Virgo coelos ascendit:
Gaudete, quia cum Christo regnat in aeternum.
Sonata sopra Sancta Maria
Sancta Maria, ora pro nobis.
Magnificat
Magnificat anima mea Dominum.
Et exultavit spiritus meus in Deo salutari meo.
Quia respexit humilitatem ancillae suae:
ecce enim ex hoc beatam me dicent omnes generationes.
Quia fecit mihi magna qui potens est:
et sanctum nomen eius.
Et misericordia eius a progenie in progenies timentibus eum.
Fecit potentiam in brachio suo
dispersit superbos mente cordis sui.
Deposuit potentes de sede et exaltavit humiles.
Esurientes implevit bonis et divites dimisit inanes.
Suscepit Israel puerum suum recordatus misericordiae suae.
Sicut locutus est ad Patres nostros:
Abraham et semini eius in secula.
Gloria Patri, et Filio, et Spiritui Sancto:
Sicut erat in principio, et nunc, et semper,
Et in saecula saeculorum. Amen.
Oratio Canto Gregoriano
Dominus vobiscum.
Et cum spiritu tuo.
Oremus. Famulorum tuorum, quaesumus Domine, delictis ignosce: ut qui tibi
placere deactibus nostris non valeamus, Genetricis Filii tui Domini nostri
intercessione salvemur. Per eundem Dominum nostrum Iesum Christum, filium tum,
qui tecum vivit et regnat in unitate Spiritus Sancti, Deus, per omnia saecula
saeculorum.
Versus Canto Gregoriano
Dominus vobiscum.
Et cum spiritu tuo.
Benedicamus Domino.
Concerto: Duo Seraphim
Duo Seraphim clamabant alter ad alterum:
Sanctus, sanctus, sanctus Dominus Deus Sabaoth.
Plena est omnis terra gloria eius.
Tres sunt qui testimonium dant in coelo
Pater, Verbum et Spiritus Sanctus
et hi tres unum sunt.
Sanctus, sanctus, sanctus Dominus Deus Sabaoth.
Plena est omnis terra gloria eius.
Antiphona Beatae Mariae Virginis: Salve Regina
Salve, Regina, mater misericordiae;
vita, dulcedo et spes nostra, salve.
Ad te clamamus, exsules filii Hevae.
Ad te suspiramus, gementes et flentes in hac lacrimarum valle.
Eia ergo, advocata nostra, illos tuos misericordes oculos ad nos converte.
Et Iesum, benedictum fructum ventris tui, nobis post hoc exsilium ostende.
O clemens, o pia, o dulcis Virgo Maria.
Versus et responsorium Canto Gregoriano
Ora pro nobis, sancta Dei Genitrix. Ut digni efficiamur promissionibus Christi.
Oratio Canto Gregoriano
Dominus vobiscum.
Et cum spiritu tuo.
Oremus. Ominipotens sempiterne Deus, qui gloriosae Virginis Matris Mariae corpus
et animam, ut dignum Filii tui habitaculum effici mereretur, Spiritu Sancto
cooperante, praeparasti: da, ut, cuius commemoratione laetamur; eius pia
intercessione, ab instantibus malis, et a morte perpetua liberemur. Per eundem
Christum Dominum nostrum. Amen.
Conclusio Canto Gregoriano
Divinum auxilium maneat semper nobiscum.
Venetian
Vesper Music from Selva morale e spirituale 1641
Psalmus
109
Psalmus
110
Psalmus
111
Psalmus
112
Psalmus
116
Salve,
Regina
Dixit Dominus Domino meo:
Sede a dextris meis,
Donec ponam inimicos
Tuos scabellum pedum tuorum.
Virgam virtutis tuae emittet Dominus ex Sion:
Dominare in medio inimicorum tuorum.
Tecum principium in die virtutis tuae,
In splendoribus sanctorum:
Ex utero ante luciferum genui te.
Iuravit Dominus et non paenitebit eum:
Tu es sacerdos in aeternum
Secundum ordinem Melchisedech.
Dominus a dextris tuis,
Confregit in die irae suae reges.
Iudicabit in nationibus, implebit ruinas,
Conquassabit capita in terra multorum.
De torrente in via bibet,
Propterea exaltabit caput.
Gloria Patri, et Filio, et Spiritui Sancto:
Sicut erat in principio, et nunc, et semper,
Et in saecula saeculorum. Amen.
Confitebor tibi Domine in toto corde meo:
In consilio iustorum et congregatione.
Magna opera Domini:
Exquisita in omnes voluntates eius.
Confessio et magnificentia opus eius:
Et iustitia eius manet in saeculum saeculi.
Memoriam fecit mirabilium suorum:
Misericors et miserator Dominus.
Escam dedit timentibus se:
Memor erit in saeculum testamenti sui.
Virtutem operum suorum adnuntiabit populo suo:
Ut det illis hereditatem gentium,
Opera manuum eius veritas et iudicium.
Fidelia omnia mandata eius:
Confirmata in saeculum saeculi,
Facta in veritate et aequitate
Redemptionem misit populo suo:
Mandavit in aeternum testamentum suum sanctum,
Et terribile nomen eius.
Initium sapientiae timor Domini:
Intellectus bonus omnibus facientibus eum.
Laudatio eius manet in saeculum saeculi.
Gloria Patri, et Filio, et Spiritui Sancto:
Sicut erat in principio, et nunc, et semper,
Et in saecula saeculorum. Amen.
Beatus vir qui timet Dominum:
In mandatis eius volet nimis.
Potens in terra erit semen eius:
Generatio rectorum benedicetur.
Gloria et divitiae in domo eius:
Et iustitia eius manet in saeculum saeculi.
Exortum est in tenebris lumen rectis:
Misericors et miserator et iustus.
Iucundus homo qui miseretur et commodat:
Disponet sermones suos in iudicio,
Quia in aeternum non commovebitur.
In memoria aeterna erit iustus:
Ab auditione mala non timebit
Paratum cor eius sperare in Domino:
Confirmatum est cor eius, non commovebitur,
Donec dispiciat inimicos suos.
Dispersit, dedit pauperibus:
Iustitia eius manet in saeculum saeculi,
Cornu eius exaltabitur in gloria.
Peccator videbit et irascetur :
Dentibus suis fremet et tabescet,
Desiderium peccatorum peribit
Gloria Patri, et Filio, et Spiritui Sancto:
Sicut erat in principio, et nunc, et semper,
Et in saecula saeculorum. Amen.
Laudate pueri Dominum:
Laudate nomen Domini.
Sit nomen Domini benedictum:
Ex hoc nunc et usque in saeculum.
A solis ortu usque ad occasum:
Laudabile nomen Domini.
Excelsus super omnes gentes Dominus:
Super coelos gloria eius.
Quis sicut Dominus Deus noster,
Qui in altis habitat,
Et humilia respicit in caelo et in terra.
Suscitans a terra inopem,
Et de stercore erigens pauperem,
Ut collocet eum cum principibus
Cum principibus populi sui.
Qui habitare facit sterilem in domo:
Matrem filiorum laetantem.
Gloria Patri, et Filio, et Spiritui Sancto:
Sicut erat in principio, et nunc, et semper,
Et in saecula saeculorum. Amen.
Laudate Dominum omnes gentes:
Laudate eum omnes populi;
Quoniam confirmata est super nos misericordia eius:
Et veritas Domini manet in saeculum
Gloria Patri, et Filio, et Spiritui Sancto:
Sicut erat in principio, et nunc, et semper,
Et in saecula saeculorum. Amen.
Salve, Regina
Salve, Regina, mater misericordiae;
vita, dulcedo et spes nostra, salve.
Ad te clamamus, exsules filii Hevae.
Ad te suspiramus, gementes et flentes in hac lacrimarum valle.
Eia ergo, advocata nostra, illos tuos misericordes oculos ad nos converte.
Et Iesum, benedictum fructum ventris tui, nobis post hoc exsilium ostende.
O clemens, o pia, o dulcis Virgo Maria.